ABŞ-nyň Federal şikaýat kazyýeti rugsat almazdan Chrome brauzerinde ulanyjylaryň şahsy maglumatlaryny ýygnamak bilen baglanyşykly Calhoun-yň Google LLC-e garşy işini ret eten aşaky instansiýanyň çözgüdini ýatyrdy. Bu barada IXBT portaly habar berýär.
Şikaýat kazyýetiniň kazysy ulanyjylaryň Google tarapyndan berlen gapma-garşylykly maglumatlar sebäpli Chrome-yň gizlinlik syýasatyna düşünmän bilendigini göz öňünde tutdy.
Şikaýat edijiler Chrome-yň razylyk almazdan, hatda Chrome Sync funksiýasyny işjeňleşdirmezden, tomaşa taryhy, IP-salgylary we cookie faýllary Google-a iberendigini nygtaýarlar. Google ulanyjy sinhronlaşdyrmany işjeňleşdirmese, Chrome-yň bellibir maglumatlary Google-a ibermejekdigini belläpdi, ýöne iş ýüzünde bu dogry däldi.
Google bu işe garşy göreşmek isleýär, ýöne şikaýat kazyýetiniň çözgüdi kompaniýa üçin çynlakaý netijelere getirip biler, sebäbi ol kazyýetde aýyplamalara jogap bermeli bolar.
Mundan başga-da, Chrome Sync bolmazdan Android gurluşlary bilen PK üçin Chrome müşderileriniň arasynda parollary sinhronlamaga mümkinçilik berýän ýakyndaky üýtgeşme hem ulanyjylaryň aç-açan razylygy bolmazdan maglumatlary ýygnamak üçin ýene bir synanyşyk hökmünde hasaplanyp bilner.
