Hakerler ogurlan maglumatlaryny darknet web forumyna ýerleşdirenden soň, Toyota kompaniýasy maglumatlaryň uly syzylmasynyň pidasy bolandygyny tassyklady. Waka barada köp jikme-jiklikler heniz ýok hem bolsa, bar bolan maglumatlar birnäçe netijä gelmäge mümkinçilik berýär.
Şu hepdäniň başynda ZeroSevenGroup lakamly bir haker kompaniýadan 240 Gb-lyk gizlin faýl ogurlandygyny öňe sürüp, darknet web forumynda täze mowzuk açdy. Toparyň habarynda ogurlanan maglumatlaryň kontaktlar, maliýe amallary, müşderiler, shemalar, işgärler, suratlar, maglumat bazalary, tor infrastrukturasy, e-poçta we beýleki duýgur maglumatlary öz içine alýandygy aýdylýar.
Mundan başga-da, hakerler paroly bolan ähli maksatly tor üçin AD-Recon hödürleýärler (AD-Recon Active Directory-de domenler, ulanyjylar, toparlar, kompýuterler we hyzmat SPN-leri ýaly, dürli obýektler we atributlar hakda maglumat ýygnamak üçin döredildi). Toparyň habarynda: “Dünýädäki iň uly awtoulag öndürijilerinden biriniň (TOYOTA) ABŞ bölümini döwdük. Biz bu ýerde faýllary höwes bilen mugt paýlaşýarys. Maglumatlaryň göwrümi: 240 GB. Mazmuny: Aragatnaşyklar, maliýe, müşderiler, diagrammalar, işgärler, suratlar, maglumat bazalary, tor infrastrukturasy, e-poçta we köp sanly maglumatlar hakda ähli zat bar. Şeýle hem, paroly bolan ähli maksatly tor üçin AD-Recon hödürleýäris" diýilýär.
Toyota kompaniýasynyň wekilleri BleepingComputer-e hakerleriň aýdýanlarynyň dogrudygyny tassyklady, ýöne waka barada jikme-jik maglumat bermekden saklandy. Kompaniýa meseläniň göwrümi boýunça çäklidigini we umumy ulgamlaýyn däldigini aýtdy. Şeýle hem, ejir çekenler bilen hyzmatdaşlyk edýändiklerini we zerur bolsa kömek berjekdiklerini aýtdylar. Şeýle-de bolsa, iň soňky maglumata görä, Toyota Motor Demirgazyk Amerika ulgamlarynyň döwülmändigini ýa-da howp astyna düşmändigini, meseläniň Toyota hökmünde görkezilýän üçünji tarap bilen baglanyşyklydygyny aýtdy.
Wakanyň hüjüm edilen we onuň üsti açylan senesi, tora nädip girilendigi we pidalaryň sany ýaly, köp jikme-jiklikleri näbelli. Megerem, Toyota heniz derňeýär we täzelenen maglumatlary berer. BleepingComputer-iň barlagçylary faýllaryň ogurlanandygyny ýa-da iň bolmanda, 2022-nji ýylyň 25-nji dekabrynda döredilendigini anykladylar, bu bolsa arhiwlenen maglumatlaryň ogurlanandygyny görkezip biler.
