Zoom bir wagtyň özünde bir milliona çenli adamyň gatnaşmagynda webinarlary geçirmek mümkinçiligini yglan etdi. Täze hyzmat, platforma syýasy toparlar tarapyndan Kamala Harrisiň saýlaw kampaniýasyna serişdeleri toplamak üçin işjeň ulanylandan soň ýüze çykdy diýip, Engadget çeşmesi habar berýär.
Zoom bu uly çäreler üçin 10 müňden million gatnaşyja çenli dürli bukja meýilnamalaryny hödürleýär.
Şeýle-de bolsa, täze hyzmatyň bahasy arzan däl. Bir million adam üçin bir gezeklik webinaryň bahasy 100 000 dollar, 10 000 gatnaşyjy üçin bolsa 9000 dollar.
Täze hyzmat, paýnamalary 560 dollardan 60 dollara düşen Zoom üçin ýakyn wagtda täze girdeji çeşmesine öwrülip biler. Paýnamalaryň pese gaçmagy pandemiýadan soň wirtual ýygnaklara bolan islegiň azalmagy bilen baglanyşyklydyr.
