ABŞ-ly Sýuzen Eýd Morales Krus Meksika aýlagynda suwuň astynda ýüzüp ýörkä, adaty bolmadyk açyk gyzyl ulitkany wideo düşüripdir. Wideoda, “deňiz towşany” ady bilen tanalýan deňiz ulitkasynyň suwdaky ajaýyp “uçuşy” görkezilýär diýip, Daily Mail ýazýar.
“Deňiz towşanlary”, dünýäniň deňiz suwlarynyň köpüsinde ýaşaýarlar we güýçli akymy bolmadyk asuda suwlary gowy görýärler, ýöne olar gaty seýrek duş gelýärler. Bu jandarlar suwotular bilen iýmitlenýärler we goýy gyzyl, ýaşyl we goňur reňklerde bolýarlar.
Deňiz ulitkalary ýerdäki garyndaşlaryndan daşky çaňňalygynyň ýoklugy bilen tapawutlanýarlar. Ewolýusiýa döwründe olarda içerki çaňňalak döräpdir.
