Özüniň souslary bilen tanalýan Amerikanyň Hellmann’s kompaniýasy adaty bolmadyk maýonez ysly atyr çykardy. Will Lewis No. 8 atly atyrda limon, kofe, (müşk) muskus, wanil yslarynyň öwüşginleri we ýörite “maýonez notasy” bar diýip, Food & Wine habar berýär.
Täze atyryň ilçisi Amerikanyň Tennessee Titans futbol toparynyň kwoterbegi Uill Lewis boldy. Geçen ýyl sosial ulgamlarda futbolçynyň Hellman’s maýonezini kofesine goşýan wideosy ýaýrady. Munuň üçin kompaniýa Lewisi sous önümleri bilen ömürlik üpjün etjekdigini wada berip, ony atyr ýasamakda hyzmatdaşlyga çagyrdy.
Oýunçynyň aýtmagyna görä, ol atyryň işlenip düzülmek prosesine işjeň gatnaşdy.
Atyr 13-nji awgustda bir flakona 8 dollar bahasy bilen çykaryldy, ýöne Hellman’s-yň resmi web sahypasynda olaryň ählisiniň eýýäm satylandygyny aýdylýar.
