Golliwudda (Florida ştaty, ABŞ) garyşyk başa-baş söweş boýunça PFL 8 ýaryşy geçirildi. Ýaryşyň esasy tutluşygyndan soňky duşuşykda türkmen pälwany DÖwletjan Ýagşymyradow awstraliýaly Rob Uilkinson bilen duşuşdy. Tutluşyk ýarym agyr agram derejesinde PFL Gran-prisiniň ýarym finalynyň çäklerinde geçirildi we eminleriň biragyzdan karary bilen, Ýagşymyradowyň ýeňşi bilen tamamlandy.
Eminleriň ählisiniň karary bilen türkmen pälwany 30-27 netije bilen ýeňiş gazandy.
Bu ýeňiş Döwletjan üçin yzygidr altynjy we PFL-iň çäklerinde üçünji ýeňşi boldy. Gran-priniň final duşuşygynda türkmen pälwany amerikaly Impa Kasanganaý bilen duşuşar. Kasanganaý beýleki ýarym final duşuşygynda Joşua Silweýrodan üstün çykdy.
DÖwletjan Ýagşymyradow Türkmenabatda doglan. Alty ýaşynda karate bilen meşgullanyp başlaýar, soňra kikboksinge geçýär. Gullukdan soň, Ýagşymyradow 2012-nji ýylda Harkowda (Ukraina) MMA-da professional karýerasyna başlaýar. 2018-nji ýylda ýarym agyr agramda ACB-nyň çempiony boldy. Titulyny iki gezek üstünlikli goldap, Bellatora geçdi.
Bellatorda ilkinji iki duşuşygynda ýeňildi, emma soň ýeňişli ýoda düşdi. Mundan öň, ol iýun aýynda eminleriň biragyzdan karary bilen Simon Biýongy ýeňdi.