Belli sport žurnalisti Fabrisio Romano täze EA Sports FC 25 oýnunyň bir bölegi bolar. Onuň akkaunty oýun içindäki sosial ulgamda peýda bolar, ol bu ýerde oýunçylaryň transferlerine, kärendesine berilmegine we şertnamalarynyň uzaldylmagyna teswir berer diýip, “Çempionat” habar berýär.
Mysal hökmünde futbol simulýatoryny işläp düzüjiler Romanonyň wirtual görnüşiniň zenan futbolçynyň transferine “Bu transfer klubuň maksatlarynyň ýokdugyny tassyklaýar” ýazgysy bilen garaýşyny görkezýän ekran suratyny hödürlediler.
EA Sports FC 25-de oýunçylar karýerasyna wunderkind, meşhur maşgaladan futbolçy ýa-da şikesden soň meýdança dolanyp gelen tejribeli oýunçy hökmünde başlap bilerler. Oýun 27-nji sentýabrda PK-da we konsollarda çykar, ýöne ýokary wersiýanyň eýeleri we EA Play-e ýazylanlar bu oýna 20-nji sentýabrdan elýeterli bolarlar.
