Toyota Braziliýada meşhur modelleriniň – Corolla sedanynyň, Corolla Cross krossoweriniň, Hilux pikapynyň we ýolsuz ýerden ýöremäge ukyply Fortuner awtoulagynyň (SW4) sowutlanan görnüşlerini çykardy diýip, IXBT ýazýar.
Toyota-nyň ýerli bölümçesi öz awtomobilleriniň howpsuzlygyny ýokarlandyrmak isleýän müşderileriň isleglerini kanagatlandyrmak üçin awtomobilleri sowutlamaga ýöriteleşen Avallon, Carbon, Evolution Blindagens we Parvi Blindados ýaly ýerli kompaniýalar bilen hyzmatdaşlyk edýär.
Toyota Brasil indi bu mümkinçiligi hem täze, hem 2020-nji ýyldan bäri çykarylan ulanylan modeller üçin hödürleýär. Munuň üçin awtoulaglar Toyota dilerinden deslapky bahalandyrmadan geçmeli.
Kuzowyň berkidilmegi we has galyň aýnalaryň goýulmagy awtomobilleri ok geçirmeýän etmek we agyr predmetleriň urgusyndan goramak bilen, olaryň howpsuzlygyny ýokarlandyrýar.
Hyzmatyň bahasy aýdylmaýar, ýöne kompaniýalar sowut gurnama hyzmaty üçin 5 ýyl kepillik we komponentlere baglylykda materiallar üçin 5 – 10 ýyl kepillik berýärler.
