Science Focus-yň hünärmenleri iň iri it tohumlarynyň sanawyny hödürlediler. Ilkinji 10-luk her tohumyň itleriniň ortaça agramy esasynda düzüldi. Sanaw uly adamlaryň agramy bilen deň ýa-da ondanam agyr öý haýwanlaryny öz içine alýar diýip, RBC Life habar berýär.
Iň iri it tohumlarynyň 10 görnüşi:
1. Senbernar – sanawdaky iň iri tohumdyr. Bu tohum daglarda halas ediş amallaryny ýerine ýetirmek ukyby bilen tanalýar. Ortaça agramy 90 kg töweregi, iň uly agramly senbernar Benediktin (162 kg) ady bilen tanalýar.
2. Iňlis mastiffi – güýçlüligi we özüni gowy alyp barşy bilen tanalýar. Ortaça agramy 70-den 90 kg aralygynda, Zorba atly mastiff tohumyň iň agyr iti – 149,7 kg.
3. Nýufaundlend – Kanadada balykçylara kömek etmek üçin döredilen tohumdyr. Ýüzüp bilýär – suwda halas ediş işleri üçin amatly it. Ortaça agramy 55-den 90 kg aralygynda.
4. Nemes dogy (it) – özüniň uzyn boýlulygy bilen tanalýan tohumdyr. Tohumyň Zews atly itiniň boýy gerşinden ölçelende 111,8 sm ýetdi.
5. Burbul – goramak üçin ösdürilip ýetişdirilýän Günorta Afrikanyň tohumy. Ortaça agramy – 69-dan 91 kg çenli.
6. Leonberger – gür tüýi we mähirliligi bilen tanalýan nemes tohumydyr. Ortaça agramy – 41-den 77 kg aralygynda.
7. Pireneý dag iti – Fransiýanyň mallary goramak üçin ösdürilip ýetişdirilýän tohumydyr. Ortaça agramy – 55-den 75 kg.
8. Irlandiýaly uly awçy iti (wolkodaw) – gadymy, gaty tüýli aw tohumydyr. Ortaça agramy – 72 kg çenli.
9. Kangal owçarkasy – Türkiýäniň mal sürülerini goraýjysy. Ortaça agramy – 40-60 kg.
10. Bern zennenhundy – Şweýsariýanyň sürüni goraýjy itidir. Ortaça agramy – 35-55 kg.
