UEFA Superkubogy ugrundaky ýaryşda Madridiň «Realy» «Atalantadan» üstün çykdy. Warşawada Milli stadionda geçirilen duşuşyk 2:0 hasabynda tamamlandy.
Oýunda hasaby 59-njy minutda "Realyň" urugwaýly ýarymgoragçysy Federiko Walwerde açdy. On minut soňra fransuz hüjümçisi Kilian Mbappe täze kluby üçin ilkinji goluny geçirdi.
«Real» bu duşuşyga Çempionlar ligasynyň ýeňijisi, "Atalanta" bolsa Ýewropa Ligasynyň ýeňijisi hökmünde gatnaşdy. "Real" taryhynda dokuzynjy gezek UEFA Superkubogynyň finalyna çykdy we rekord - altynjy gezek ýeňiş gazandy. Öň, ol 2002, 2014, 2016, 2017 we 2022-nji ýyllarda ýeňiş gazanypdy.
Bu görkeziji babatda ol "Barselona" bilen "Milandan" öňe geçdi (hersinde bäş kubok bar).
"Atalanta" üçin bu UEFA Superkubogynda ilkinji duşuşyk boldy.
