Germaniýanyň adidas sport brendi 2024/2025 möwsümi üçin Madridiň “Realynyň”, Turiniň “Ýuwentusynyň”, Mýunheniň “Bawariýasynyň”, Londonyň “Arsenalynyň”, şeýle-de “Mançester Ýunaýtediň” üçünji eşik toplumy bilen tanyşdyrdy.
Oýun eşiginiň tanyşdyrylyşyna bu klublaryň öňki meşhur oýunçylary gatnaşdy. “Realyň” eşigini klubuň öňki oýunçysy we tälimçisi Zinedin Zidan görkezdi. “Ýuwentusyň” köýnekçesini Turin klubunyň öňki hüjümçisi Alessandro Del Pýero geýdi. Mýunheniň “Bawariýasynyň” eşigini nemes toparynyň öňki ýarym goragçysy Bastian Şwaýnştaýger görkezdi. Londonyň “Arsenalynyň” we “Mançester Ýunaýtediň” eşiklerini bolsa, degişlilikde, Patrik Wieýra we Rio Ferdinand hödürlediler.
Kompaniýa täze eşik toplumlarynda üç ýapragyň formasynda köne logotipiň boljakdygyny aýtdy. Täze eşik toplumy şu gün, 12-nji awgustda satuwa çykýar.
