Angliýanyň ýaşlar ýygyndysynyň (U21) häzirki baş tälimçisi Li Karsli 2024-2025 möwsüminiň UEFA-nyň Milletler ligasy başlamazdan öň milli toparyň wagtlaýyn tälimçisi wezipesine bellendi. Bu barada Angliýanyň Futbol federasiýasynyň (FA) metbugat gullugy resmi saýtynda habar berdi.
Şeýlelikde, 50 ýaşly hünärmen esasy toparyň taýýarlygyna ünsi jemlemek üçin ilki Irlandiýa we Finlýandiýa garşy sentýabr oýunlary wagtynda U21 ýygyndysynyň baş tälimçisi wezipesinden aýrylar. Soňra Karsliniň FA täze hemişelik tälimçini tapýança, tutuş güýz Angliýanyň milli ýygyndysynyň baş tälimçisiniň wezipe borçlaryny dowam etdirmegine garaşylýar.
Karsli ýaşlar ýygyndysyna 2021-nji ýylyň iýul aýyndan bäri ýolbaşçylyk edýär. Onuň ýolbaşçygynda topar uly üstünlikleri gazandy, şol sanda 1984-nji ýyldan bäri ilkinji gezek 2023-nji ýylda 21 ýaşa çenli ýaşlaryň arasynda Ýewropa çempionatynda ýeňiş gazandy. Mundan öň ol Angliýanyň dürli ýaşlar topary bilen işleşdi we 20 ýaşa çenli ýygynda wagtlaýyn ýolbaşçylyk etdi.
