Sony kompaniýasy PlayStation 5-iň çykarylyp başlany bäri 61,7 million konsolynyň satylandygyny mälim etdi. Soňky çärýekde Ýapon kompaniýasy 2,4 million enjam satdy, bu bolsa geçen ýylyň degişli döwri bilen deňeşdirilende has azdyr (3,3 million konsol).
Satuwy 4,5 million konsola ýeten geçen çärýek bilen deňeşdirilende hem bu çärýekde pese gaçyşlyk görünýär.
Deňeşdirmek üçin, PlayStation 4-üň şol bir döwründe 63,5 million konsoly satylypdy. Satuwyň haýallamagyna garamazdan, Sony-niň oýun bölüminiň girdejisi 12% ýokarlandy. Bu ösüş PlayStation Network we PlayStation Plus ýaly sanly hyzmatlaryň üstünlikli satylmagy bilen gazanyldy.
