Ispaniýanyň milli ýygyndysynyň düzüminde 2024-nji ýylyň Ýewropa çempiony, “RB Leýpsig” nemes klubunyň hüjümçi ýarym goragçysy Dani Olmo “Barselona” bilen şertnama baglaşdy. Bu barada klubuň resmi saýtynda habar berilýär.
Germaniýaly klub transfer üçin 55 mln ýewro, şeýle-de bonus hökmünde 7 mln ýewro alar. 26 ýaşly futbolçy bilen şertnama 2030-njy ýyla çenli hereket edýär.
2023/24 möwsüminde Olmo “Leýpsigiň” düzüminde 25 oýna gatnaşyp, sekiz gol geçirdi we üç netijeli geçirim bilen tapawutlandy.
Ol Ýewro-2024-de yzygider üç oýunda – Gruziýa, Germaniýa we Fransiýa garşy oýunlarda gol geçirdi.
2024-nji ýylyň Ýewropa çempionatynyň finalynda Ispaniýa Angliýadan üstün çykdy. Berlindäki “Olimpiaştadion” stadionynda geçen oýun ispaniýalylaryň peýdasyna 2:1 hasabynda tamamlandy.
