4-nji awgustda Cygnus ýük gämisi bilen HKS-a adaty bolmadyk ýük getirildi: iki sany bir sentlik şaýy pul we howa şarlary. Bu zatlar "gygyrýan howa şary" bilen geçiriljek synag üçin niýetlenendir diýip, Space habar berýär.
Synagyň dowamynda şaýylar we nurbatlar entek ýel berilmedik şarlara ýerleşdirilýär, soňra olar çişirilýär we agzy towlanýar. Aýlananda şaýy pullar we nurbatlar käte gykylygy ýada salýan adaty bolmadyk ses çykarýarlar. Predmete baglylykda, onuň ýygylygy dürli bolýar.
Öý şertlerinde hem gaýtalap boljak bu synag NASA-nyň çagalary inženerçilik işine we fizika çekmäge gönükdirilen STEM bilim maksatnamasynyň çäklerinde geçirilýär.
Synaglaryň kosmosda ýazylan wideoýazgylary, şuňa meňzeş mekdep wideoýazgylaryna garanyňda, has köp adamy ylma çekmekde diýseň meşhurdyr.
Bu şaýylaryň kosmosa ilkinji gezek iberilişi däldir: olary Aýa “Apollon”-yň astronawtlary hem eltipdi. 1972-nji ýyldan bäri NASA missiýalarda şaýy pul almagy gadagan etdi, ýöne agzalan ýagdaýda bolşy ýaly, ylmy maksatlar üçin gerek bolanda kadadan çykmalar edilýär. Şaýy pullaryň eltilen iň uzak nokady Marsdyr. 2012-nji ýylda Curiosity roweri kamerany kalibrlemek üçin olary nyşana hökmünde ulanypdy.
