Ilkinji nigeriýaly kosmonawt milli ses berişlik arkaly saýlanar we Amazonyň esaslandyryjysy Jeff Bezosyň eýeçiligindäki Blue Origin amerikan kompaniýasynyň adybir gämisinde kosmosa uçar diýip, The Conversation ýazýar.
Açyk ses berişlige gatnaşmak üçin saglyk ýagdaýy gowy we iňlis dilini bilýän 18 ýaşdan uly islendik raýat arza berip biler. Ýeňiji 11 minutlyk uçuş wagtynda bir synag geçirip biler.
Bu wezipe kosmos hukugy we syýasat ugrundan alym hem-de LearnSpace Foundation-yň prezidenti Enn Agi tarapyndan Blue Origin bilen guralan hyzmatdaşlygyň üsti bilen mümkin bolar. Şeýle hem uçuşa hindistanly we birnäçe ösüp barýan ada döwletlerinden wekiller gatnaşar.
Bu başlangyç kosmos barlaglarynda öz mümkinçiliklerini we tejribesini görkezýän Nigeriýa üçin möhüm ähmiýete eýe. 1999-njy ýylda Milli kosmos barlaglary we ösüş gullugy döredileli bäri, ýurt alty hemranyň uçurylyşyna gatnaşdy we halkara kosmos agentlikleri bilen hyzmatdaşlyk etdi. Blue Origin-iň pilotirlenýän uçuşyna gatnaşmak Nigeriýa üçin halkara hyzmatdaşlygy hem-de ylmy we tehnologiýany ösdürmek üçin täze mümkinçilikler açar.
