Howpsuzlyk bilen bagly meseleler sebäpli ABŞ-da we Kanadada söwda dilerlerine iň soňky çykan Hyundai Santa Fe-ni satmak gadagan edildi diýip, Carscoops habar berýär.
Robotlaşdyrylan tizlik geçiriş korobkasyndaky näsazlyk sebäpli ozal eýýäm ABŞ-da we Kanadada 13 müň awtoulag yzyna çagyrylypdy. Indi 2023-nji ýylyň dekabryndan 2024-nji ýylyň iýuly aralygynda öndürilen jemi 49 719 awtoulag yzyna çagyrylýar.
Häzirki mesele ikinji hataryň howpsuzlyk ýassyklary bilen bagly. Hasabatda poldan geçýän simleriň bogusynyň bolmalysy ýaly berkidilmändigi we onuň ikinji hatardaky eplenýän oturgyjyň şarnirine degip biljekdigi aýdylýar. Bu simlere zeper ýetirip, howpsuzlyk ýassygynyň sebäpsiz ýere işlemegine ýa-da heläkçilik wagty işlemezligine sebäp bolup biler.
Ulaglar tehniki gözlegçilikden geçirilmezden ozal, söwda dilerlerine Hyundai Santa Fe-ni satmak gadagan edildi. Bu çäre bolup biläýjek ulag heläkçilikleriniň öňüni almak hem-de sürüjileriň we ýolagçylaryň howpsuzlygyny üpjün etmek maksady bilen geçirilýär.
