Samsung Electronics-iň ýolbaşçysy Li Je Ýen Galaxy Watch Ultra-nyň we Galaxy Buds3 Pro-nyň dizaýnynyň Apple önümleriniňki bilen meňzeşligine nägilelik bildirdi. Menzeşlik sebäpli dörän tankyt tolkunyndan soň, kompaniýada derňew geçirildi we mobil bölüminiň (MX) işinde düýpli kemçilikler ýüze çykaryldy diýip, Economic Daily habar berýär.
Çeşmelerde berilýän habara görä, Li Je Ýen Galaxy Watch Ultra bilen Apple Watch Ultra-yň arasyndaky meňzeşlige haýran galdy. Sagatdaky suwa çümmek we SOS funksiýalaryndan başga-da, titan korpusy, mämişi hereket düwmesi hem göçürilip alnypdyr.
Galaxy Buds3 Pro hem meňzeş şekilleri we dolandyryş funksiýalary sebäpli AirPods Pro-yň nusgasy hökmünde ykrar edildi.
Göçürmekde aýyplanmakdan başga-da, kompaniýanyň önümleriniň hilinde hem kemçilikler ýüze çykaryldy.
Li Je Ýeng bu meseläniň çözgüdi hökmünde, MX dolandyryşynda wezipe üýtgeşmelerini geçirip, aýlyklary azaltmagy meýilleşdirýär.
MX-iň işgärleriniň öndürilen önümleriň hiline däl-de, Galaxy AI-yň ösüşine has köp üns beren bolmaklary ähtimal.
