CarExpert YouTube kanalynda dört awtomobiliň: Rolls-Royce Dawn, Mercedes-Maybach S680, Bentley Flying Spur V8 S we Hyundai Ioniq 5 N awtomobilleriniň gatnaşmagynda geçirilen dreg-ýaryşyň wideosy peýda boldy. Bu waka gatnaşyjylaryň özboluşly düzümi sebäpli awtosport muşdaklarynyň ünsüni özüni çekdi.
Birinji bolup ýaryş ýoluna kuwwaty 420 kWt (571 at güýji) bolan 6,6 litrlik V12 hereketlendirijili Rolls-Royce Dawn we 450 kWt (611 at güýji) kuwwatly 6,0 litrlik V12 bilen üpjün edilen Mercedes-Maybach S680 çykdy. Üç ýaryşda has kuwwatly Maybach S680 yzygider ýeňiş gazandy.
Soň Mercedes-Maybach S680 kuwwaty 404 kWt (549 at güýji) bolan dört litrlik V8 hereketlendirijisi bilen üpjün edilen Bentley Flying Spur V8 S bilen ýüzbe-ýüz boldy. Bu gezek ýeňşi Bentley aldy.
Ahyrky tapgyrda Bentley Flying Spur iki sany elektrik hereketlendirijisi umumy 478 kWt kuwwaty (650 at güýji) berýän Hyundai Ioniq 5 N bilen duşuşdy.
Elektromobil Bentley-den öňe geçip, dörtden bir milýada iň gowy netijäni görkezdi, ol bu aralygy 11,32 sekuntda geçdi. Bentley ony 11,9 sekuntda, Mercedes-Maybach S680 – 12,11 sekuntda, Rolls-Royce Dawn bolsa – 12,98 sekuntda geçdi.
