Türkmenistanda ilkinji gezek periferiýa stentirlemek boýunça operasiýa başlamak meýilleşdirilýär. Şeýle operasiýany Kardiologiýa ylmy-kliniki merkezli hassahananyň angihirurgiýa bölüminiň hünärmenleri geçirer. Olar Germaniýanyň, Awstriýanyň, Russiýanyň we Türkiýäniň iň gowy klinikalarynda ýokary okuw kurslaryny tamamladylar. Bu barada «Нейтральный Туркменистан» gazetinde habar berilýär.
Periferiýa arteriýa (damar) stentirlemek, ýokarky ýa-da aşaky bölekleriň (periferiýa arteriýalarynyň) petiklenen ýa-da daralan arteriýalaryny giňeltmek üçin ulanylýan amaldyr. Damaryň diwary ýörite metal gurluşy - stent bilen berkidilýär. Aşaky ýa-da ýokarky bölekleriň damarlary ýa-da periferiýa arteriýalary ganlary göni aýaklara ýa-da gollara ýetirmek üçin jogapkärdir.
Kardiologiýa ylmy-kliniki merkezli hassahanada ýylda emeli damarlary ulanyp, arteriýalary bejermegiň 500-den gowrak hirurgiki görnüşi amala aşyrylýar, awtobifemoral, arterial awtowenoz aýlaw, protez, endarterektomiýa, flebektomiýa ýaly damarlarda dürli amallar geçirilýär. Bölüm wenoz we arterial damar patologiýasy bolan näsaglary gije-gündiziň dowamynda kabul edýär.
Ýürek hirurgiýasy bölüminiň hünärmenleri ýylda 200-den gowrak operasiýa edýärler. Bularyň arasynda ýürek näsazlyklary üçin dürli çylşyrymly amallar, koronar arteriýa aýlawy we çylşyrymly ýürek bozulmalaryny bejermek bar.
Keselhananyň rentgen endowaskulýar hirurgiýa bölüminde «Siemens» firmasynyň (Germaniýa) iki sany angiografiki enjamy bar. Bölüm olaryň kömegi bilen ýürek-damar (ýylda 1000-den gowrak) we beýleki ulgamlary (ýylda 100 töweregi) boýunça koronar angiografiki barlaglary geçirýär, ýürek we gan damarlaryna stent gurmak ýaly endowaskulýar amallary geçirýär (takmynan 400 töweregi).
