Ist-Raterford şäherindäki (ABŞ) “Metlaýf” stadionynda “Barselona” bilen Madridiň “Realynyň” arasynda ýoldaşlyk oýny geçirildi. Duşuşyk kataloniýalylaryň 2:1 hasabynda ýeňiş gazanmagy bilen tamamlandy.
42-nji minutda “Barselonanyň” oýunçysy Pau Wiktor Robert Lewandowskiniň topy geçirmeginde hasaby açdy. Oýnuň ikinji ýarymynyň başynda Wiktor ikinji goluny geçirdi, oňa ispaniýaly goragçy Aleks Walle kömek etdi. Ikinji ýarymyň ahyrynda Madrid klubunyň argentinaly hüjümçi ýarym goragçysy Nikolas Pas türkiýeli Arda Gýuleriň topy geçirmeginde gol bilen tapawutlandy.
Belläp geçsek, “klasiko” 11-nji minutda tupanyň başlanmagy sebäpli togtadyldy. Oýun 30 minutdan soň dowam etdirildi.
Kolumbiýa şäherindäki (ABŞ) “Uilýams-Braýs” stadionynda “Liwerpul” bilen “Mançester Ýunaýtediň” arasynda geçirilen ýoldaşlyk oýny mersisaýdlylaryň 3:0 hasabynda utmagy bilen tamamlandy.
10-njy minutda portugaliýaly hüjümçi ýarym goragçy Fabiu Karwalýu portugaliýaly Diogu Žotanyň kömek etmeginde hasaby açdy. Birinji ýarymyň ahyrynda “Liwerpulyň” ýarym goragçysy Kýortis Jons müsürli Mohamed Salahyň topy geçirmeginde toparyň artykmaçlygyny güýçlendirdi. Ikinji ýarymyň ortasynda gresiýaly goragçy Konstantinos Simikas gutarnykly hasaby kesgitledi.
Öň, “Liwerpul” ýoldaşlyk oýunlarynda “Betisi” (1:0) we “Arsenaly” (2:1) utdy, şeýle-de häzirki güne çenli möwsümden öňki dört oýny geçirip, “Reýnjersi” (2:1), “Betisi” (3:2) utdy, “Rusenborgdan” (0:1) we “Arsenaldan” (1:2) utuldy.
