Golliwud aktýory Tom Kruz Pariždäki Olimpiýa oýunlarynyň ýapylyş dabarasyna gatnaşar. Bu barada TMZ habar berýär. Kruz dabara üçin çylşyrymly hereketleri ýerine ýetirmek barada Halkara Olimpiýa Komitetine (HOK) teklip bilen ýüz tutdy.
Guramaçylaryň meýilnamasyna görä, aktýor Olimpiýa baýdagy bilen “Stad de Frans” stadionynyň ýokarky böleginden tanap arkaly aşak düşüp, Pariždäki Oýunlar bilen 2028-nji ýylda Los-Anjelesde geçiriljek indiki Olimpiadanyň arasyndaky baglanyşygy alamatlandyrar.
Habar berlişi ýaly, şu ýylyň mart aýynda Kruz ABŞ-daky Olimpiada üçin wideo düşürip, onda Olimpiýa baýdagy bilen Parižden Los-Anjelese syýahat etdi we paraşýut bilen Golliwud nyşanyna bökdi. Bu wideo onuň janly çykyşyndan soň görkeziler.
Öň, 2004-nji ýylda aktýor Olimpiýa çärelerine gatnaşdy, ol Afinadaky Oýunlar başlamazdan öň Los-Anjelesde alawy göterdi.
Olimpiýa oýunlary 26-njy iýulda başlady we 11-nji awgusta çenli dowam eder. Şol gün hem ýapylyş dabarasy geçiriler. Oýunlaryň açylyşy Sena derýasynda boldy.
