Mazda kompaniýasy awtoulaglarynyň logotipini täzeledi. Logotipiň täze wersiýasy haryt nyşanlarynyň ýapon web sahypasynda peýda boldy. Logotip öňküsinden çala üýtgedildi diýip, Drive.com ýazýar.
Täze logotip awtoulag pudagynyň häzirki tendensiýalaryny görkezýär. Bu logotip, kompaniýanyň 1920-nji ýylda “Toyo Cork Kogyo Co.” ady bilen döredilmeginden bäri, Mazdanyň 16-njy logotipidir.
Kompaniýa ilkinji awtoulaglaryny, 1931-nji ýylda Mazda-Go awtorikşasynyň çykmagy bilen öndürip başlady. Ilkinji resmi awtoulag hökmünde 1960-njy ýylyň maý aýynda Mazda R360 awtoulagy çykaryldy. Emma “Mazda” adyny kompaniýa 1984-nji ýylda tassyklady.
V şekilli ganatly logotip ilkinji gezek 1997-nji ýylda peýda boldy.
Mazda-nyň web sahypasynda berilýän maglumatlara görä, "V şekilli ganatlar" kompaniýanyň "güýçli we üznüksiz ösüşiniň" nyşanydyr.
