Google kompaniýasy Android gurluşlarynyň sinhronizasiýasy üçin iki sany täze funksiýa hödürledi. Olardan birinjisi Google Meet-den wideo jaňlary şol bir Google akkaunty bolan golaýda ýerleşýän gurluşa geçirmäge mümkinçilik berýär.
Ikinji funksiýa, “internete bilelikde girmek”, Chromebook-y we Android gurluşlaryny ulanyjynyň smartfonyndaky internet ulgamyna awtomatiki birikdirýär.
3DNews portalynyň ýazmagyna görä, funksiýalaryň ikisi-de Android 11 we has täze OS-da işleýän, 24.28.34 we ondan ýokary wersiýaly Google hyzmatlary bolan gurluşlarda elýeterlidir. Häzirki wagtda olar beta-synag tapgyrynda we ähli ulanyjylar üçin kem-kemden giriziler. Wideo jaňlary geçirmek funksiýasy häzirlikçe diňe Google Meet-de işleýär, ýöne geljekde beýleki programmalara hem ýaýradylyp bilner.
