Asus kompaniýasy aromatizatorly dünýäde ilkinji 14 dýuýmlyk noutbuk Adol Book 14 Air-i hödürledi. Täze önüm Anna Sui parfýumeriýa brendi bilen hyzmatdaşlykda döredildi diýip, VideoCardz neşiri habar berýär.
Adol Book 14 Air noutbugy AMD Ryzen 8945H prosessory hem-de durulygy 2880x1800 piksel we täzelenme ýygylygy 240 Gs bolan 14 dýuýmlyk OLED paneli bilen üpjün edildi. Gurluşyň içinde 32 GB LPDDR5X-7500 operatiw ýady we 1 TB sygymly SSD bar. 75 Wt/sag akkumulýator 1080p formatda wideo görmek üçin noutbugy 14 sagada çenli ulanmaga mümkinçilik berýär.
Adol Book 14 Air-iň esasy aýratynlygy noutbugyň gapagynda ýerleşen ýörite aromatizatorlar dozatory boldy. Toplumda üç dürli ýakymly ys bolup, olary gapagyň magnit berkidilmesi netijesinde aňsatlyk bilen çalyşmak bolýar.
Anna Sui’s Wishing Elf atyryny (50 ml), stile laýyk ýerine ýetirilen torbany, ýörite syçanjygy we ýelmenýän şekilleri öz içine alýan toplumyň bahasy 7 müň ýuana ($970) barabar.
