Iýul aýynyň ahyryndan başlap we awgust aýynyň başynda asmanda bir wagtyň özünde iki sany meteor akymyny synlamak bolar diýip, Phys.org habar berýär.
Günorta delta-Akwaridalar meteor akymy 29-njy iýuldan 30-njy iýula geçilen gijede iň ýokary derejesine ýetdi. Şol wagt Demirgazyk ýarym şaryň garaňky asmanynda sagatda 15-20 sany meteory görmek mümkin boldy. Bu akym 21-nji awgusta çenli dowam eder.
Şol bir wagtyň özünde, Günorta ýarym şarda ikinji bir meteor akymy – Alfa-Kaprikornidler görünýär. Ol sagatda, takmynan, bäş meteor çykarýar we 15-nji awgusta çenli dowam eder. Alfa-Kaprikornidleriň aýratynlygy – meteorlaryň ýagtylygy, bu olaryň asmanda has gowy görünmegine sebäp bolýar.
Meteor ýagyşlarynyň aglabasy kometalaryň galyndylaryndan emele gelýär. Alymlar Delta-Akwaridiň çeşmesi 96P / Maçhols kometasydyr, Alfa-Kaprikornidiň çeşmesi bolsa 169P / HEAT kometasydyr diýýärler.
Indiki uly meteor akymy awgust aýynyň ortalarynda iň ýokary derejä ýetjek Perseidler bolar.
Meteorlary synlamak üçin iň oňat şertler - ýarygijeden soň bulutsyz asmanda, batyp barýan Aýyň bary-ýogy 30%-i ýagty saçýan pursadynda bolar. Meteorlar gijesine şäher yşyklaryndan uzakda gowy görner we gijeki görşüňe zyýan ýetirmezlik üçin smartfon ulanylmasa gowy bolar.
