Amerikaly basketbolçy Lebron Jeýms taryhda Olimpiýa oýunlaryna gatnaşýan ilkinji milliarder bolar. Muny 39 ýaşly türgeniň baýlygyny 1 milliard dollar bilen bahalandyrýan “Forbes” neşiriniň maglumatlary delillendirýär.
“Los-Anjeles Leýkersde” çykyş edýän Jeýms dünýäniň iň köp hak alýan türgenleriniň sanawynda 119,5 mln dollar girdeji bilen dördünji orny eýeleýär. Nike, Kia, Walmart we beýleki kompaniýalar bilen şertnamalardan başga-da, Jeýms sport işine işjeň maýa goýýar.
Ýakynda ol “Liwerpul” futbol kluby, “Boston Red Soks” beýsbol kluby we “Pittsburg Pingwinz” hokkeý kluby ýaly abraýly sport klublaryna eýeçilik edýän Fenway Sports Group-da paýyny artdyrdy.
Mundan başga-da, Jeýms repçi Dreýk we Golliwud aktýory Kris Pratt bilen bilelikde ABŞ-da we Demirgazyk Amerikada erkekleriň arasynda professional golf gezelençlerini gurnaýjy PGA Tour-a, takmynan, 3 milliard dollar maýa goýdy diýip, The New York Times neşiri ýazýar.
