Meşhur amerikaly beýsbolçy Beýb Rutuň oýun köýnekçesiniň bahasy Heritage Auctions onlaýn auksionynda rekord 13,3 mln dollara ýetdi. Bu barada Frans Press habar berýär.
Köýnekçe Rutuň “Nýu-Ýork Ýankisde” çykyş eden döwrüne (1920-1934 ý.) degişli.
Lot auksiona çykarylan sport predmetleriniň bahasy boýunça “Ýankisiň” başga bir beýsbolçysy Mikki Mantlyň kartoçkasyna degişli bolan öňki rekordy (12,6 mln dollar, 2022-nji ýylyň awgusty) täzeledi. Auksionda satylan iň gymmat sport formasy Maýkl Jordanyň maýkasydyr (10,1 mln dollar, 2022-nji ýylyň sentýabry), basketbolçy ony Milli basketbol assosiasiýasynyň (MBA) pleý-offunyň ahyrky tapgyrynyň birinji oýnunda geýdi.
Auksion 24-nji awgusta çenli dowam eder. Bilermenleriň çaklamasy boýunça, Rutuň köýnekçesiniň bahasy 30 mln dollara ýetip biler.
Beýb Rut Esasy beýsbol ligasynyň ýedi gezek çempiony we sportuň bu görnüşinde iň beýik oýunçylaryň biridir.
