Adobe kompaniýasy Illustrator we Photoshop flagman önümleri üçin täzelenme çykaryp, olara emeli aňyň esasynda birnäçe funksiýalary goşdy. Bu barada 9to5Mac neşiri habar berýär.
Illustrator-da hudožniklere tekst bellikleriniň esasynda wektor grafikasyny ulanmaga mümkinçilik berýän generatiw wektor guýma (заливка) peýda boldy. Şeýle-de, hakyky obýektlerde illýustrasiýalary wizuallaşdyrmak üçin Mockup funksiýasy, şekillerdäki şriftleri ýüze çykarmak mümkinçiligi we fon döretmek üçin Text to Pattern goşuldy.
Photoshop gaýtalanýan ýumuşlaryň ýerine ýetirilişini aňsatlaşdyrýan Saýlama çotgasy we Korrektirleme çotgasy ýaly birnäçe täze funksiýalara eýe boldy. Şeýle-de, Tekst gurallary we kontekst ýumuşlar paneli kämilleşdirildi. Adobe Firefly programmasy täzelendi.
Diňe ýazylyşyk boýunça elýeterli bolan täze funksiýalar Adobe hyzmatlaryna birikmegi talap edýär. Kompaniýa bu innowasiýalaryň emeli aňyň kömegi bilen programmalary ösdürmek strategiýasynyň bir bölegidigini belleýär.
