Eýranyň täze Prezidenti resmi taýdan wezipesine girişdi

  • 28.07.2024 14:04
  • 12k+
Eýranyň täze Prezidenti resmi taýdan wezipesine girişdi

Eýranyň Beýik milli ruhy Lideri Aýatolla Ali Hamenei 28-nji iýulda Masud Pezeşkiany ýurduň täze prezidenti hökmünde resmi taýdan tassyklady diýip, Mehr agentligi habar berýär.

Agentligiň maglumatlaryna görä, dabaranyň barşynda Eýranyň içeri işler ministri Ahmad Wahidi ýurtda nobatdan daşary prezident saýlawlarynyň geçirilişi barada resmi hasabaty okady we eýran halkyny saýlawlaryň üstünlikli geçirilmegi bilen gutlady. Soňra Hamenei buýruga gol çekdi. Resminama laýyklykda, Pezeşkian resmi taýdan Eýranyň dokuzynjy prezidenti diýlip yglan edildi.
30-njy iýulda Pezeşkian Eýranyň Mejlisinde kasam kabul eder.
Eýran Yslam Respublikasynyň täze saýlanan Prezidentiniň resmi wezipä girişmek dabarasyna Türkmenistandan wise-premýer, daşary işler ministri Raşid Meredow  gatnaşar.

Tähranda YHG-yň sebitinde Hereketleriň Awaza maksatnamasyny durmuşa geçirmek meseleleri ara alnyp maslahatlaşyldy
29.01.2026 16:03
4.2k+

Tähranda YHG-yň sebitinde Hereketleriň Awaza maksatnamasyny durmuşa geçirmek meseleleri ara alnyp maslahatlaşyldy

27-nji ýanwarda Tähranda Ykdysady Hyzmatdaşlyk Guramasyna (YHG) agza döwletleriň Hemişelik wekilleriniň Geňeşiniň nobatdaky mejlisi geçirildi. Onda 2024–2034-nji ýyllar üçin Hereketleriň Awaza maksatnamasyny durmuşa geçirmegiň gidişine garaldy...

Türkmenistanyň kenar gulluklary Hazarda betbagtçylyga uçran eýran ýük gämisindäki adamlaryň dadyna ýetişdi
14.01.2026 18:53
33k+

Türkmenistanyň kenar gulluklary Hazarda betbagtçylyga uçran eýran ýük gämisindäki adamlaryň dadyna ýetişdi

14-nji ýanwarda Türkmenistanyň Hazar deňzindäki kenar gulluklary betbagtçylyga uçran Rona atly eýran ýük gämisindäki 14 adamyň ählisini halas etdiler. Türkmenistanyň DIM-niň Metbugat gullugynyň habar bermegine görä, betbagtçylyga uçran gämi SOS signalyny beripdir...

Raşid Meredow Eýranyň ilçisi bilen duşuşdy
13.01.2026 15:18
6k+

Raşid Meredow Eýranyň ilçisi bilen duşuşdy

12-nji ýanwarda Türkmenistanyň daşary işler ministri Raşid Meredow Eýran Yslam Respublikasynyň ýurdumyzdaky ilçisi Ali Mojtaba Ruzbehani bilen duşuşyk geçirdi. Türkmenistanyň DIM-niň habar bermegine görä, duşuşygyň dowamynda taraplar özara gyzyklanma bildirilýän ikitaraplaýyn hyzmatdaşlygyň meselelerini ara alyp maslahatlaşdylar...

Türkmenistan Owganystan boýunça Tähranda geçirilen maslahatlara gatnaşdy
17.12.2025 11:58
6.6k+

Türkmenistan Owganystan boýunça Tähranda geçirilen maslahatlara gatnaşdy

Türkmenistan 14-nji dekabrda Tähranda Owganystan boýunça geçirilen ýokary derejeli sebit duşuşygyna gatnaşdy. Maslahatyň esasy maksady — ýurtdaky ýagdaýy kadalaşdyrmak üçin sebitara çemeleşmeleri utgaşdyrmakdan ybarat boldy...