Häzirki wagtda “Inter Maýamide” çykyş edýän “Barselonanyň” öňki hüjümçisi Lionel Messi ESPN sport neşiri tarapyndan XXI asyryň iň gowy futbolçysy diýlip saýlandy.
Bu reýtingde ikinji orny “Al-Nasr” saud klubunyň hüjümçisi Kriştianu Ronaldu eýeledi, iň gowularyň üçlügini “Barselonanyň” we “Arsenalyň” öňki oýunçysy Týerri Anri jemledi. Sanawyň dördünji ornunda fransiýaly Zinedin Zidan, bäşinji ornunda horwatiýaly Luka Modriç ýerleşýär.
Ýatlap geçsek, Messi MLS-de çykyş edýän “Inter Maýami” klubuna 2023-nji ýylyň tomsunda geçdi. Geçen ýylyň 20-nji awgustynda argentinaly Amerikada ilkinji kubogyny – Liganyň Kubogyny gazandy.
Häzirki möwsümde Messi MLS-de 12 oýna gatnaşyp, 12 gol geçirdi.
Öň, ESPN XXI asyryň iň gowy türgenini saýlady. Ol amerikaly suwda ýüzüji, Olimpiýa oýunlarynyň 23 gezek çempiony Maýkl Felps boldy. Bu sanawda Messi üçünji orny eýeledi.
