Hindistanyň hökümeti Halkara Olimpiýa komiteti (HOK) bilen 2036-njy ýylda geçiriljek tomusky Olimpiýa we Paralimpiýa oýunlaryny Delide geçirmek mümkinçiligi barada gepleşikleriň başlandygyny resmi taýdan tassyklady diýip, TASS habar berýär.
Ýaşlar we sport işleri ministri Mansukh Mandawiýa Mejlise Hindistanyň Olimpiýa Assosiasiýasynyň Olimpiýa oýunlarynyň geljekki ýer eýeleri bolmagy barada Halkara olimpiýa komiteti bilen gepleşiklere başlandygyny aýtdy.
Premýer-ministr Narendra Modi Olimpiýa oýunlarynyň ýer eýesi bolmak baradaky meýilnamasyny 2022-nji ýylyň oktýabr aýynda yglan edipdi. Ol Hindistan Oýunlary iň ýokary derejede guramak üçin ähli tagallalary eder diýip nygtady.
Eger Deliniň teklibi tassyklansa, 2036-njy ýyldaky Olimpiýa oýunlary Hindistanda geçiriljek şeýle giň möçberli çäräniň ilkinjisi bolar.
Hindistandan başga-da, 2036-njy ýyldaky Olimpiýa oýunlaryny geçirmek üçin Meksika, Indoneziýa we Polşa hem öz tekliplerini hödürledi.
