Emojipedia portaly 17-nji iýulda bütin dünýäde bellenilen Bütindünýä emoji gününe bagyşlap, World Emoji Awards baýragynyň netijesini jemledi. 2024-nji ýylda X sosial ulgamyny ulanyjylaryň arasynda iň meşhur smaýlik 
“ereýän ýüz” boldy diýip, RBK habar berýär.
Ýeňiji pleý-off usuly bilen saýlandy. Ahyrky tapgyrda “ereýän ýüz” ses sany boýunça “gözýaşlaryny saklaýan ýüzden” 
öňe geçdi. Ses berişligi gurnaýjylar şeýle tutluşygyň 2022-nji ýylda hem bolandygyny bellediler. 2023-nji ýylda bolsa bu emoji adaty gülgüne ýürekden 
has meşhur boldy. Şeýlelikde, “ereýän ýüz” yzygider üçünji ýyl ýeňiji boldy.
Şu ýyl “Lifetime Achievement Award” nominasiýasynda hormatly baýragy “ýalpyldylar” emojisi 
aldy. Bu baýrak bilen meşhur bolmagyny dowam edýän emojiler tapawutlandyrylýar. Şeýle-de, “ýalpyldylar” 2015-nji ýyldan bäri her ýyl dünýäde iň köp ulanylýan emojileriň onlugyna girýändigi bilen hem tapawutlandy, ýakynda bolsa ol emeli aňyň “jadysyny” aňladýan esasy nyşan hökmünde kabul edildi diýip, Emojipedia belleýär.
Iň meşhur täze emoji “kellesini keseligine ýaýkaýan ýüz” 
boldy. Ikinji orny “kellesini dikligine ýaýkaýan ýüz” 
, üçünji orny “Feniks guşy” 
eýeledi. Ilkinji bäşligi “laým” 
we “ýolnan zynjyr” 
jemledi. Olaryň ählisi 2023-nji ýylyň sentýabr aýynda Emoji 15.1 täzelenmesi bilen goşuldy.
