Halkara Olimpiýa Komiteti (HOK) we Italiýanyň Panini kompaniýasy ýene birnäçe günden Parižde badalga aljak Oýunlara bagyşlap, Olimpiýa türgenleriniň suratlary bolan kartoçkalar bilen kolleksiýa albomlarynyň çykarylýandygyny habar berdiler.
Ýelmenýän suratlar bilen fiziki albomlar Russiýadan, ABŞ-da, Belarusdan we Hytaýdan başga dünýäniň ähli ýurtlarynda elýeterli bolar. Albomyň sanly görnüşi diňe Fransiýadaky ulanyjylar üçin elýeterli bolar.
“Pariž-2024” kolleksiýasy kartoçkalar toplumyny, otkrytkalary, türgenleriň suratlary bilen albomy, Olimpiýa oýunlarynyň nyşanlaryny we piktogrammalaryny hödürleýän web-sahypalary we ykjam goşundylary öz içine alýar.
Goşundyda eksklýuziw mazmunlara elýeterlilik berýän kart bukjasyny satyn almak bolýar, ýörite altyn kartlary bolsa Olimpiýa türgenleri bilen wirtual sorag-jogap gatnaşygy ýaly özboluşly baýraklara çalyşmak bolýar.
Albomyň prewýusynda birnäçe türgen, şol sanda dünýäniň birinji raketkasy Ýannik Sinner şekillendirilen.
