Ýüzüji Felps ESPN tarapyndan XXI asyryň iň gowy türgeni diýlip saýlandy. Messi ilkinji üçlüge girýär

Amerikaly ýüzüji, Olimpiýa oýunlarynyň 23 gezek çempiony Maýkl Felps ESPN-niň wersiýasy boýunça XXI asyryň iň gowy türgeni diýlip ykrar edildi. Bu barada "Çempionat" sport portaly habar berdi.

Media kompaniýasy ikinji ýerde amerikaly tennisçi Serena Uillýamsy goýdy. Argentinanyň futbolçysy Lionel Messi ilkinji üçlügi jemleýär.
Sanawa biziň döwrümiziň iň gowy 100 türgeni girýär.
Ilkinji 10-luk:

1. Maýkl Felps (suwda ýüzmek).
2. Serena Uillýams (tennis).
3. Lionel Messi (futbol).
4. Lebron Jeýms (basketbol).
5. Tom Bredi (NFL-iň futbolçysy)
6. Rojer Federer (tennis).
7. Simona Baýlz (sport gimnastikasy).
8. Taýger Wuds (golf).
9. Useýn Bolt (ýeňil atletika).
10. Kobi Braýant (basketbol).

Sanaw düzülende neşiriň dünýädäki şahamçalary öz dalaşgärlerini hödürlediler, soň belli sport ýyldyzlary üçin takmynan 70 müň ses alyndy.