Kaliforniýa ştatynyň Atletika komissiýasy (CSAC) amerikaly söweşijiler Neýt Dias bilen Horhe Maswidalyň arasyndaky boks söweşi üçin petek satuwyndan gazanylan girdejini mälim etdi.
Söweşi gurnaýjylar peteklerden bary-ýogy 1,26 mln dollar gazandylar. Bellenilişi ýaly, diňe bir adam bäş müň dollara petek satyn aldy, ýekeje petek hem 3500 dollara satylmady. Şeýle-de, 2500 dollardan 14 petek we 25 dollardan 6057 sany iň arzan petek satyn alyndy.
Ýatlap geçsek, Maswidal bilen Diasyň arasynda 7-nji iýulda geçen söweş emin agzalarynyň aglabasynyň karary netijesinde Neýtiň ýeňiş gazanmagy bilen tamamlandy. Soňrak Dias on million dollarlyk şertnama baglaşandygyny öňe sürüp, tutluşygy gurnaýjylary kazyýete berdi. Bu mukdardan bir million öňünden tölenipdi, galan dokuz million söweşden soň berilmelidi. Söweşijiniň aýtmagyna görä, Fanmio promouter kampaniýasy bu çäräniň ýitgili bolandygyny nygtap, tölegden ýüz öwürýär.
