IDC seljeriş kompaniýasynyň maglumatlaryna görä, 2024-nji ýylyň ikinji çärýeginde smartfon bazary 6,5% ösdi. Samsung 18,9% paýy we 53,9 million smartfon satuwy bilen öňdebaryjy bolmagynda galýar, emma satuwyň ösüşi bary-ýogy 0,7% boldy. 15,8% paýy bilen ikinji orunda barýan Apple hem satuwda (1,5%) 45,2 million enjam bilen birneme ösüş gazanandygyny görkezýär.
Üçünji orunda satuwy 27,4% artdyryp, 14,8% paýy we 42,3 million smartfon satmak bilen Xiaomi barýar. Xiaomi şu depginini dowam etdirse, Apple-den öňe geçip biler. Emma kupertinoly kompaniýanyň täze iPhon çykarmak bilen, ýene-de güýçli öňegidişlik gazanmajagyna kepil ýok.
Vivo bilen Oppo birmeňzeş diýen ýaly netijeler bilen degişlilikde dördünji we bäşinji orny eýeledi: 9,1% we 9%. Şol bir wagtyň özünde, Vivo-nyň satuwy 21,9 %, Oppo-nyňky bolsa bary-ýogy 1,8 % ýokarlady.
