Kazyýet “Barselona” futbol klubunyň arzasyny ret etdi we Amerikanyň sport egin-eşiklerini öndürýän Nike kompaniýasy bilen baglaşylan şertnamanyň birtaraplaýyn esasda ýatyrylmagyny gadagan etdi diýip, Mundo Deportivo habar berýär.
Şertnama laýyklykda, 2028-nji ýyla çenli “Barselona” hemaýatkärlik we mahabat şertlerini ýerine ýetirmäge borçludyr.
Ozal Katalon klubunyň prezidenti Žoan Laporta şertnamanyň "düzgün bozmalar" bilen düzülendigini nygtap, ony bozmak niýetini mälim edipdi. Şeýle-de bolsa, Barselonanyň kazyýeti şertnamanyň bozulmagyny bikanun diýip ykrar edip, kluby şertnamanyň ähli şertlerini ýerine ýetirmäge borçly etdi.
“Barselona” soňky möwsümde 38 tapgyrda 85 utuk toplap, ikinji ýerde tamamlady. Täze möwsümiň birinji tapgyrynda “Barselona” 17-nji awgustda “Walensiýa” bilen oýnar.
