Los-Anjelesiň Zirobio startapy mehaniki galamlar üçin gaýtadan işlenen kofe löderesinden öndürilen dünýäde ilkinji grifel (galamyň içki taýajygy) GRIND Z-ni hödürledi. Diametri 5,6 mm bolan grifel ähli awtomatiki galamlara laýyk gelip, kagyzda açyk goňur yz galdyrýar diýip, Yanko Design dizaýnerler býurosy habar berýär.
Grifelleriň düzüminde 20% gaýtadan işlenen kofe löderesi we 80% ýelim we mum bar.
Grafit galamlardan tapawutlylykda GRIND Z eliňde yz galdyrmaýar. Kofe çyzyklaryny bozguç bilen bozup ýa-da barmak bilen ýaýradyp bolmaýar. Öndüriji, hat ýazylanda Arabica kofesiniň ysynyň ýakymly täsir galdyrýandygyny nygtaýar.
Zirobio, adamlaryň her gün 3,5 milliard çaşka kofe içýändigini we netijede ýylda 11,8 million tonna kofe galyndysynyň döreýändigini belläp geçýär. Kofe galyndylarynyň diňe 5%-i gaýtadan işlenilýär.
12 grifellik toplumyň bahasy 26 dollar. GRIND Z-niň satuwy 2024-nji ýylyň sentýabr aýynda başlar.
