Ispaniýaly tennisçi Karlos Alkaras Londonda geçirilen 2024-nji ýylyň “Uimbledon” ýaryşynda ýeňiş gazandy.
Finalda 21 ýaşly türgen “Uly tuwulga” ýaryşlarynyň 24 gezek çempiony Nowak Jokowiçi üç setde utdy: 6:2, 6:2, 7:6. Oýun 2 sagat 27 minut dowam etdi.
Alkaras üçin bu “Uly tuwulga” ýaryşlarynyň çäklerinde gazanylan dördünji titul boldy. 2022-nji ýylda türgen US Open-de ýeňiji boldy, bir ýyl öň hem “Uimbledonyň” finalynda Jokowiçi utdy, häzirki möwsümde “Rolan Garrosda-da” ýeňiş gazandy.
Alkaras taryhda yzygider iki “Uimbledonda” ýeňiji bolan dokuzynjy tennisçi, şeýle-de bir möwsümde “Rolan Garrosda” we “Uimbledonda” ýeňiş gazanan altynjy tennisçi boldy. Ol taryhda “Uly tuwulga” ýaryşlarynyň finalynda Jokowiçi iki gezek utmagy başaran dördünji tennisçi boldy.
“Uimbledonda” gazanan ýeňşi üçin Alkaras 2,7 million funt (takmynan, 3,5 million dollar) baýrak alar.
Bir gün öň, zenanlaryň arasynda “Uimbledon” ýaryşynyň finalynda çehiýaly tennisçi Barbora Kreýçikowa italiýaly Ýasmin Paolini üç setde utdy – 6:2, 2:6, 6:4.
