Şarlott şäherindäki (ABŞ, Demirgazyk Karolina ştaty) “Bank of Amerika” stadionynda 2024-nji ýylyň Amerikanyň Kubogy ýaryşynyň bürünç medaly üçin oýun tamamlandy. Urugwaýyň topary bilen Kanadanyň arasyndaky duşuşygyň esasy wagty deňme-deň – 2:2 hasabynda tamamlandy. Oýundan soňky penalti tapgyrynda urugwaýlylar 4:3 hasabynda ýeňiş gazandylar.
Oýnuň sekizinji minutynda ilkinji goly Urugwaýyň milli ýygyndysynyň ýarym goragçysy Rodrigo Bentankur girizdi. 22-nji minutda kanadaly oýunçy Ismael Kone hasaby deňledi. 80-nji minutda hüjümçi Jonatan Dewid Kanadanyň toparyny öňe çykardy. 90+3-nji minutda bolsa hüjümçi Luis Suares hasaby deňläp, duşuşygy penalti tapgyryna geçirdi.
Oýundan soňky tapgyrda Urugwaýyň oýunçylary has takyk boldular, bu ýerde Kanada toparynyň goragçysy Alfonso Dewis tarapyndan tora girizilmedik dokuzynjy urgy soňky nokady goýdy.
