Google kompaniýasy Hindistanda Pixel smartfonlarynyň öndürilip başlanandygyny habar berdi. Gurluşlaryň synag toplumy ýakyn wagtda çykarylar, sentýabr aýyna çenli bolsa doly göwrümli önümçiligi işe goýbermek meýilleşdirilýär diýip, 9to5Google neşiri habar berýär.
Bu çözgüt Google-yň önümçilik kuwwatyny diwersifikasiýalaşdyrmak we Hytaýa garaşlylygyny azaltmak boýunça strategiýasynyň bir bölegidir.
Kompaniýa önümçiligi ýola goýmak üçin Dixon Technologies we Foxconn kompaniýalary bilen şertnama baglaşdy. Dixon kompaniýasy Pixel 9 ýaly pes bahaly modelleri çykarmak bilen meşgullanar, Foxconn bolsa Pixel 9 Pro we Pixel 9 Pro XL ýaly flagman modellere ünsi jemlär.
Hindistanda öndürilen gurluşlaryň ep-esli bölegi Ýewropa Bileleşigine we ABŞ-a eksport ediler. Hindistanda Pixel-iň satuwy oňyn dinamikany görkezse-de, ol heniz bu ösen bazarlar bilen deňeşdirilende pes bolmagynda galýar.
Google önümçilik güýjüni Hytaýdan Hindistana geçirýän ýene bir kompaniýa boldy. Ondan öň, Apple iPhone-yň kiçi wersiýalarynyň önümçiligini bu ýurda geçiripdi.
