2011-nji ýylda geçiren insultyndan soň ysmaz bolup galan 29 ýaşly Goward Uiks, diňe gözleriniň hereketi bilen öz durmuşy barada kitap ýazdy. Bu barada BBC habar berýär.
“Gulplanan adam” («Запертый человек») ady bilen çap edilen ýatlamasynda Uiks pajygadan soňky ilkinji dört ýylyň dowamynda başyndan geçenleri paýlaşýar.
Kitap üç bölekden ybarat. Birinji bapda awtor insultdan öňki durmuşy, ikinjisinde bolsa ysmazlyga sebäp bolan pajygaly wakalar we soňky - hassahanadaky durmuşy barada gürrüň berýär.
"Kitap hassahana durmuşyndan jemgyýetçilik durmuşyna geçişim bilen hem tamamlanýar" – diýip, Uiks gürrüň berýär.
Kitabyň birinji bölümini döretmek üçin oňa 18 hepde gerek boldy. Gözüň hereketi bilen teksti dolandyrmaga, 50 000 sözi ýazga geçirmäge mümkinçilik berýän Eyegaze kompýuterini ulandy.
“Gulplanan adam” ýagdaýynyň alamatlary - bu adamy hereketden mahrum edip, ýöne onuň huşuny almaýan seýrek newrologiki keseldir. Goward Uiks bu kesel kesgidi bilen ýaşaýan durmuşy barada ýene iki kitap ýazmagy we çykarmagy meýilleşdirýär.
