Christie's auksionynda Tisian Weçellionyň 1512-nji ýylda çekilen “Müsür ýolundaky dynç alyş” (Отдых на пути в Египет) atly kartinasy suratkeşiň suratlary üçin rekord 22,2 million dollara satyldy.
Kartina Tisianyň döredijiliginiň irki döwürlerine degişlidir. Italiýaly suratkeş bu kartinasyny ýaňybir 20 ýaşdan geçiberende döredipdi. Ol kartinada Injilden alnan sýužeti - Bibi Merýemiň, Ýusubyň we Isanyň Wifleýemden gaçyşyny suratlandyrypdyr.
Surat 150 ýylyň içinde ilkinji gezek auksiona çykdy.
"Müsür ýolundaky dynç alyş " özüniň çylşyrymly taryhy bilen meşhur boldy. 1995-nji ýylda bu eser Longlit mülk jaýyndan ogurlandy we diňe 2002-nji ýylda Londondaky awtobus duralgasynda tapyldy. Çarçuwasyz adaty bir plastik torbajykda ýatan bu surat soň eýelerine gaýtarylyp berildi.
"Müsür ýolundaky dynç alyş" dürli ýyllarda imperator Napoleon Bonaparta, ilkinji gersog Gamiltona we Saksoniýanyň şa zenan-konsorty Mariýa Tereza Awstriýala degişli bolandygy mälimdir. Kartinanyň täze eýesiniň ady gizlin saklanýar.
