AnTuTu bençmarkynyň işläp düzüjileri dünýä bazarynda elýeterli bolan iň öndürijilikli Android smartfonlarynyň reýtingini hödürlediler. Ol Hytaý bazary üçin niýetlenen reýtingden tapawutlanýar.
Şeýlelikde, global reýtingiň lideri Snapdragon 8 Gen 3 bazasynda işleýän oýun smartfony Asus ROG Phone 8 boldy. AnTuTu-nyň 1000 synagynyň netijesi boýunça, ol ortaça 2,11 mln bal gazandy. Onuň yzyndan Snapdragon 8 Gen 3 bilen üpjün edilen Red Magic 9 Pro (2,07 mln) we iQOO 12 (2,03 mln) ýerleşdi.
Şeýle-de, ilkinji onluga Vivo X100 Ultra (1,99 mln), Vivo X100 Pro (1,96 mln), Nubia Z60 Pro (1,95 mln), Vivo X100 (1,95 mln), iQOO Neo9S Pro (1,94 mln), Xiaomi 14 Ultra (1,94 mln) we Xiaomi 14 (1,94 mln) modelleri girdi.
Belläp geçsek, Asus ROG Phone 8 AnTuTu-nyň hytaý reýtinginde-de birinji orny eýeleýär.
