Maý aýynda Hytaýda iPhone-yň satuwynyň güýçli ösüşe eýe bolmagy, sebitde smartfona islegiň ýokarlanandygyna şaýatlyk edýär. Hytaýyň Maglumat we aragatnaşyk tehnologiýasy akademiýasynyň (CAICT) maglumatlaryna görä, aprel aýy bilen deňeşdirilende maý aýynda iPhone-yň satuwy 44%, geçen ýylyň bu döwri bilen deňeşdireniňde bolsa 40% ýokarlandy.
JP Morgan maýa goýum kompaniýasynyň analitikleri bu ösüşi Hytaýda smartfonlara bolan islegiň artmagy bilen baglanyşdyrýarlar. Bilermenler Apple Intelligence goldawy bilen ýakyn wagtda çykjak iPhone 16 bazaryň ösmegine goşmaça itergi berer diýip, hasap edýärler.
