Transfermarkt portaly 2024-nji ýylyň 1-nji iýulyndan erkin agent ýagdaýyndaky (klubsyz) iň gymmat futbolçylaryň sanawyny düzdi. Birinji orunda Italiýanyň “Ýuwentusyny” terk eden Fransiýanyň milli ýygyndysynyň ýarym goragçysy Adrien Rabýo ýerleşdi. 29 ýaşly oýunçynyň bahasy 35 mln ýewro.
Geçen möwsümde Rabýo “Ýuwentus” üçin 35 oýna gatnaşyp, bäş gol geçirdi we üç netijeli geçirim etdi. Häzir ol Ýewro-2024 ýaryşyna gatnaşýar we toparyň öňdebaryjylarynyň biri hasaplanýar.
Şeýle-de, ilkinji onluga şular girýär:
- Mario Ermoso (29 ýaş, Ispaniýa, ýarym goragçy, soňky kluby – “Atletiko”) – €25 mln;
- Gigo Rodriges (30, Argentina, ýarym goragçy, “Betis”) – €20 mln;
- Rafael Waran (31, Fransiýa, goragçy, “Mançester Ýunaýted”) – €20 mln;
- Daiti Kamada (27, Ýaponiýa, ýarym goragçy, “Lasio”) – €18 mln;
- Wilfred Ndidi (27, Nigeriýa, ýarym goragçy, “Lester”) – €16 mln;
- Çe Adams (27, Şotlandiýa, hüjümçi, “Sautgempton”) – €15 mln;
- Keleçi Iheanaço (27, Nigeriýa, hüjümçi, “Lester”) – €12 mln;
- Aleks Berenger (28, Ispaniýa, hüjümçi, “Atletik”) – €12 mln;
- Raýan Sessenýon (24, Angliýa, ýarym goragçy, “Tottenhem”) – €10 mln.
