Iki agram derejesinde Absolýut söweş çempionatynyň (UFC) öňki çempiony Konor Makgregor Hitman: World of Assassination wideo oýnunyň personažy boldy. Bu barada IO Interactive işläp düzüjisiniň YouTube kanalyna salgylanyp, RIA Nowosti habar berýär.
Täze missiýada oýunçylar daşky keşbi boýunça doly derejede Makgregoryň obrazyny gaýtalaýan personaž “Ýok edijini” (The Disruptor) öldürmeli bolarlar.
Sýužet boýunça, “Ýok ediji” – tehnologiýa kompaniýasynyň baş müdiri bilen duşman bolan multimillioner we MMA ýyldyzy. Hut şu gapma-garşylyk ony Agent 47 üçin nyşana öwürýär.
35 ýaşly Makgregor UFC-niň iň meşhur söweşijileriniň biri hökmünde bellidir. Onuň hasabynda garyşyk başa-baş söweşlerde 22 ýeňiş we 6 ýeňliş bar. Ol ýeňil we ýarym ýeňil diwizionlarda çempion guşaklaryna eýeçilik etdi.
