Illinoýs ştatynyň Olton şäheriniň seýilgähindäki futbol meýdançasynyň ortasynda ägirt uly oý peýda boldy. Bu barada First Allen 4 neşiri habar berýär.
Bellenilişi ýaly, bu oý göni futbol meýdançasynyň aşagynda ýerleşýän şahtada topragyň çökmegi netijesinde peýda bolupdyr. Opurylma wagty şahta hereketdedi, ýöne hadysanyň netijesinde hiç kim zyýan çekmedi.
Oltonda seýilgähler we dynç alyş departamentiniň müdiri Maýkl Heýns oýuň ululygynyň, takmynan, inine 30 metre we çuňlugyna 9-15 metre barabardygyny aýtdy. Opurylma meýdançadaky fonarlaryň birini hem “ýuwutdy”.
Futbol meýdançalary seýilgähde 2019-njy ýylda peýda boldy, taslamanyň bahasy bolsa 1 mln dollardan geçdi. Heýns şäher häkimiýetleriniň meýdançany täze sport möwsümi başlamazdan ozal gaýtadan dikeldip bilmegine umyt baglaýar. Ýöne ilki bilen topragyň ýagdaýy inženerler we geologlar tarapyndan öwrenilmeli. Häzirki wagtda seýilgäh ýapyk.
