Toyota Grand Highlander-iň we Lexus TX -iň satuwyny togtatdy we 145 müň awtoulagy yzyna çagyrdy

  • 25.06.2024 16:00
  • 16k+

Toyota 20-nji iýundan başlap ABŞ-da özüniň üç hatarly täze Toyota Grand Highlander we Lexus TX kysymly awtoulaglarynyň satuwyny wagtlaýyn togtadýandygyny mälim etdi diýip, Motor1 habar berýär.

Munuň sebäbi howpsuzlyk ýassygy ulgamyndaky kemçilik bilen baglanyşyklydyr. Eger gapdal gapynyň penjiresi aşak goýberilen bolsa, sürüji tarapdaky gapdal howpsuzlyk  perdejigi işlemän biler. Şol bir wagtda howpsuzlyk perdejiginiň  özi sürüjiniň kellesiniň gapdalynda penjiräniň ýokarsynda ýerleşýär we heläkçilik bolan ýagdaýynda bedeniň ýokarky bölegini goramak üçin niýetlenendir.
Şunuň bilen baglylykda, Toyota 2024-nji ýylda goýberilen, 145 müň töweregi ulagy yzyna çagyrdy. Häzirlikçe meseläniň çözgüdi tapylmady. Awtoulag öndürijisi kemçiligi awgust aýynyň ortalaryna çenli düzetmegi meýilleşdirýär.
Şu ýyl ilkinji gezek çykan Grand Highlander we Lexus TX konsepsiýasy biri-birine golaý modeller hökmünde orun alýar. Iki model hem 2,4 litrlik turbo görnüşli benzinli hereketlendiriji bilen işleýär, ýöne Grand Highlander 362 at güýçli goşmaça Hybrid Max hödürleýär we Lexus TX bolsa 406 at güýçli gibrid güýç gurluşyna eýedir.
ABŞ-da Toyota Grand Highlander 2024-iň bahasy 44 715 dollardan başlaýar, Lexus TX biraz gymmat – 55 050 dollardan başlaýar.


şu gün 09:36
2k+

Toyota RAV4 retro görnüşe eýe bolýar: Mitsuoka Buddy täzeden çykýar

Özboluşly we nostalgiýa ruhly awtoulaglary bilen tanalýan Mitsuoka ýapon kompaniýasy öz retro krossoweri bolan Buddy-nyň gaýdyp gelýändigini resmi taýdan mälim etdi. Bu model Toyota RAV4-iň öňki nesline esaslanýar, ýöne onuň daş keşbi 1970-nji ýyllaryň Chevrolet we Cadillac awtoulaglaryny ýada salýar...

düýn 10:21
1.8k+

Toyota meşhur Hilux kysymly awtoulagynyň wodorod bilen işleýän görnüşini görkezdi

Toyota kompaniýasy Beýik Britaniýadaky zawodynda ýygnalan Hilux Fuel Cell atly wodorod bilen işleýän pikap awtoulagyny tanyşdyrdy. Jemi on sany prototip öndürildi, olaryň bäşisi eýýäm synagdan geçýär. Awtoulagyň gurluşy üç sany gysylan wodorod ballony bilen enjamlaşdyrylandyr, bu bolsa oňa 600 kilometre çenli aralyk geçmäge mümkinçilik berýär...

27.10.2025 15:21
8.7k+

Toyota Camry has agras we sport stiline eýe boldy

Toyota kompaniýasy ýörite SEMA týuning sergisi üçin döredilen Camry GT-S sedanynyň konseptini hödürledi. Awtomobil has agras görnüşe eýe boldy, ýöne zawod stilini saklady – inženerler ony önümçilik modeline meňzeş etmäge çalyşdy...

25.10.2025 11:28
4k+

Toyota ýetginjekler üçin iki orunlyk FT-Me elektrik ulagyny hödürledi

Toyota kompaniýasy ýetginjekler, täze sürüjiler hem-de eltip bermek hyzmatlary üçin niýetlenen iki orunlyk FT-Me elektrik ulagynyň nusgasyny hödürledi. Bu ulag kwadrisikl görnüşine degişli bolup, käbir ýurtlarda ony 14 ýaşdan başlap sürüp bolýar...